له‌ئوردن پیاوێكی گه‌نج ویستی خۆی بكوژێت به‌ڵام خۆی نه‌كوشت به‌ڵكو دوو برای بچووكی خۆی به‌كوشت دا.گه‌نجه‌كه‌ له‌كاتێكدا ویستی خۆی بكوژێت، بڕێك ژه‌هری مشك و مارومێرووی كرده‌ ناو قوتوویه‌كی خوارده‌نه‌وه‌ گازییه‌كانه‌وه‌و كه‌مێكی لێ خوارده‌وه‌، به‌ڵام له‌و كاته‌دا هه‌ستی به‌ئازارێكی توندی گه‌ده‌ كرد، هه‌ر بۆیه‌ قوتووه‌كه‌ی جێهشت و چوو بۆ نه‌خۆشخانه‌ بۆ ئه‌وه‌ی خۆی رزگاربكات.له‌كاتی چوونی گه‌نجه‌كه‌دا بۆ نه‌خۆشخانه‌، دوو برای بچووكی پیاوه‌كه‌ قووتووه‌كه‌یان بینی و پێكه‌وه‌ تا دوا دڵۆپ خواردنه‌وه‌ی قوتووه‌كه‌یان خوارده‌وه‌.دوو منداڵه‌كه‌ هه‌ستیان به‌ئازارێكی زۆر توند كردو ده‌ستیان كرد به‌هاوارو دواتر گه‌یه‌ندرانه‌ نه‌خۆشخانه‌ به‌ڵام تاگه‌یه‌ندرانه‌ نه‌خۆشخانه‌ هه‌ردووكیان گیانیان له‌ده‌ستدا.